At Lunch
@LUNCH - Candice Swanepoel speel Marilyn Monroe in nuwe skoonheidsveldtog─── 13:20 Mon, 13 Apr 2015
Die Suid-Afrikaanse skoonheid Candice Swanepoel het beslis die X-faktor! G’n wonder sy is die gesig van Max Factor se nuwe skoonheidsveldtog nie. Express berig dat sy op ’n haar soos die ikoniese Marilyn Monroe in die advertensies lyk.
Die veteraan-handelsnaam wat dié jaar sy 80ste bestaansjaar vier, was verantwoordelik vir Marilyn, oftewel Norma Jean, se transformasie van ’n relatief onbekende aktrise tot ’n ewige simbool van skoonheid.
Max Factor Global se kreatiewe direkteur, Pat McGarth, het kommentaar gelewer op Marilyn se kenmerkende rooi lippe en treffende oë: “Dit was tydloos, glansryk en stylvol, wat ook al die geleentheid.”