Die Reach For A Dream golfdag vind 27 Oktober plaas – ‘n 4-bal kos R1500.

Dowwe Dolla se hart klop vir Bloem – 25 en 26 Oktober kan jy saam kom lag vir ‘n goeie doel. Kaartjies is R150 per persoon en sluit ligte verversings in.

Laas maand het ons hulp gevra vir ‘n dogtertjie wat ‘n blou fietsie wou he – dankie aan elke persoon wat geskakel het om ons te help om haar droom waar te maak. ‘n Groot dankie aan Park Cycles in Langhenhovenpark Bloemfontein wat die droom vir ons waar gemaak het. Aangeheg ‘n paar fotos.

Dan ‘n groot dankie aan Sun Windmill, ontwerper Danial C Smith, Desired Images, Miss Free State Mienke van Rooyen, ACE Models, eModels en Glam Models wat ons gehelp het om Lee-Ann se droom om in ‘n modeparade te wees waar te maak. Dankie ook aan al die deelnemers aan die Heritage Hope Festival.

Vandag vra ons vir hulp met ‘n 5 jarige dogtertjie se droom. Sy is van Upington. Sy het Rhabdomyosarcoma wat baie pyn veroorsaak. Hierdie kleine mensie wil graag Barbie poppe he en ‘n Princess Sophia pop. As jy dalk in Upington is en ons kan help om die droom waar te maak kontak ons gerus yolanda@reachforadream.org.za of skakel 063 059 6618.