World News
Gedenkdiens vir Germanwings-slagoffers gehou─── 07:52 Fri, 17 Apr 2015
Köln - 'n Gedenkdiens vir die slagoffers van verlede maand se Germanwings-vliegtuigongeluk in die Alpe, sal vandag by Köln-katedraal gehou word.
Daar word sowat 1 500 mense by die diens verwag, insluitende families van die slagoffers, sowel as die Duitse Kanselier, Angela Merkel.
Die Ministers van Vervoer van Frankryk en Spanje, sowel as Lufthansa-hoof, Carsten Spohr, sal ook na verwagting die diens bywoon.
Medevlieënier Andreas Lubitz het na bewering die Germanwings Airbus op 24 Maart doelbewus laat verongeluk en die dood van 150 mense veroorsaak.
'n Kers vir elk van die slagoffers sal aangesteek word en vlae regoor Duitsland sal halfmas hang.
BBC