“When you eat alone, you choke alone,” lui ’n sêding op die spyskaart van die koffiewinkel. “Regtig?! Dis bietjie ekstreem,” dink ek terwyl my Sondagmiddag lunch date my op die ligging van die betrokke ‘gesegde’ attent maak.
“Ek het iemand ontmoet,” is ’n sin wat my moeder straks ooit weer sal hoor. My romanse en die rotse is konstant op ’n collision course. So het dit dan ook ná meer as tien jaar van hubare ouderdom wees, nie uitgewerk nie.
Daarom voel ek al meer geaffronteer deur terme soos ‘op die rak’, ‘oujongnooi’ en dalk ’n minder bekende een – ‘vrygesellin’. Ek hou nogal van laasgenoemde, maar dit word as neerhalend beskou. Dalk die gesellin gedeelte…
Dikwels in ‘beskaafde’ geselskap word ’n vrou se waarde gemeet aan die man wat sy ‘gevang’ het en die aantal stoet suigelinge wat sy gebaar het. Daar word ook onderlangs gekyk na die enkellopendes en stywer aan die mans gehang, want hulle gaan mos in die kloue van dié met die losse sedes beland.
Dalk lê een van die oorsake in ons woordeskat.
Ná ’n Wikipedia-soektog blyk dit die betekenis van oujongnooi is as volg: ’n vrou wat nog nooit getrou het nie, nie kinders het nie en menopouse bereik. Veertig is ook blykbaar die ouderdom waarop mens dan nou volwaardig op die rak is.
Daar word egter melding gemaak dat die term neerhalend is, so mens moet dit liefs nie gebruik nie. Al work dit dan nou dikwels in ‘beskaafde’ geselskap gebruik.
Dis nie die eerste persoon wat my dit vertel nie. ’n Baie suksesvolle sakevrou van China het my ook een keer vertel dat sy nie verder tot die wêreldbevolking wil bydrae nie. Sy voel nie daartoe geroep nie.
Ek wil self so ver gaan om te sê dat die Bybel wel sê vermeerder, maar ook dat almal nie kan trou nie. En dis oraait….
Dink maar aan Koningin Elizabeth die Eerste, skrywer Jane Austin, die moeder van modern verpleegkunde Florence Nightingale, ontwerper Coco Chanel en aktivis Emily Hobhouse.
Trou is nie vir almal nie en as jy ongetroud is, beteken dit nie dat jy ’n saai bestaan voer nie. Dis dalk net nie vir jou nie. Dis nie jou doel nie, nie jou journey nie.
En nou’s dit al by ons DNS ingeprent dat dit nie cool is om op jouself aangewese te wees nie.
Onthou die ‘wyshede’ op die teentuinborde is net teetuintraktaatjies.