Human Interest
Man met kunsbeen nou in Potchefstroom─── MARK STEENBOK 05:33 Thu, 14 Jul 2016
Potchefstroom - 'n Man met 'n kunsbeen, wat beplan om 7 000km te stap, het in Potchefstroom aangekom.
Paul Steyn, 'n Kapenaar, het op dertienjarige ouderdom 'n been verloor en het 'n paar maande gelede besluit om iets te doen om mense wat nie kunsbene kan bekostig nie, te help. Steyn poog om genoeg geld in te samel om 2 500 mens by te staan. Hy hoop om tot 3 Desember op die pad te wees.
Steyn se epiese staptog was tot dusver nie sonder uitdagings nie. Hy moes onlangs onder meer sy reis onderbreek toe sy kunsbeen gebreek het.
Potchefstromer, Jandre Venter, wat een van sy bene in 'n motorongeluk verloor het, sê Steyn maak 'n wesenlike verskil op talle maniere.
"Hy het my baie gehelp, hy ondersteun my steeds nog baie, hy is baie nice mens," sê Venter.
OFM-nuus
