Erlank beskryf Carima Barnard as hardwerkend en joviaal.

Volgens hom was Barnard, ook ‘n bestuurder van ‘n lodge op die skoolterrein, baie lojaal teenoor die skool.

Hy sê ‘n 15-jarige leerling van die skool het gisteraand teenoor die polisie erken dat hy betrokke was by die moord. Volgens Erlank het dié verdagte reeds ‘n verklaring by die polisie afgelê en is in aanhouding in Bloemfontein.

Polisiewoordvoerder, Yanda Ngcukana, sê dieselfde twee leerlinge wat gistermiddag beweer het hulle het op Barnard se lyk by haar bakkie by ‘n dam op die skoolterrein afgekom, is laat gisteraand vir ondervraging ingeneem. Die ander seun is 16 jaar oud.

Ngcukana sê bloedvlekke is op ‘n T-hemp wat aan een van die twee seuns behoort gevind.

Barnard is met ‘n baksteen en ‘n groot klip teen die kop geslaan.

Erlank sê Barnard se dood het as ‘n groot skok gekom en personeel en leerlinge sal vandag berading by die skool ontvang.

Die motief vir die moord is nog onbekend.

OFM-nuus