Local News
Man in hegtenis ná vrou se lyk in Kimberley gevind is─── MARK STEENBOK 09:36 Sat, 30 Apr 2016
Kimberley - ‘n 39-jarige verdagte van Kimberley sal na verwagting Dinsdag in die Galeshewe landdroshof verskyn nadat die polisie gister op ‘n gru-fonds by ‘n begraafplaas afgekom het.
Polisiewoordvoerder Olebogeng Tawana sê die opgekapte lyk van die verdagte se vrou is gister in drasak in ‘n oop veld in Galeshewe ontdek.
Die vrou is op 17 April deur die verdagte as vermis aangegee by die Kagiso polisiestasie.
Tawana sê die verdagte is kort nadat die lyk verwyder is in hegtenis geneem.
"Ons glo baie sterk dat die verdagte wel op ‘n aanklag van moord moet verskyn, na die moord op sy vrou. Ons het die man in hegtenis geneem nadat die gemeenskap van Soul City, raadslede en die polisie saamgespan het om die lyk op te spoor."
Tawana voeg by die naam van oorledene sal eers bekend gemaak word nadat ondersoek voltooi en die familie in kennis gestel is.
OFM Nuus
Polisiewoordvoerder Olebogeng Tawana sê die opgekapte lyk van die verdagte se vrou is gister in drasak in ‘n oop veld in Galeshewe ontdek.:
