Local News
Nuwe Aardklop nie “afskeep-fees”─── DANE BEISHEIM 15:03 Wed, 29 Jun 2016
Potchefstroom - Die nuwe Aardklop Nasionale Kunstefees, wat in Oktober in Potchefstroom aangebied gaan word, sal nie ’n “afskeep-fees” wees nie.
Pas aangestelde Aardklop-voorsitter, Dewald van Breda, sê die produksies is grotendeels klaar gereël, so ook die stalletjies. Hulle wag egter nog op die finale program.
Van Breda sê die idee met die nuwe fees, wat volg nadat daar vroeër vanjaar deur die ou direksie besluit is om die fees in sy huidige formaat te staak, is onder meer om dit vir Jan Alleman bekostigbaar te maak.
"Ek dink dit is belangrik dat 'n mens die foute van die vorige fees moet vergeet en met 'n vars en oop gemoed na die nuwe fees toe moet kom. Ons sal ook graag terugvoer oor mense se idees en gedagtes wil hê - ons het 'n baie oop gesindheid wat betref die publiek se insae [tot die fees]," sê Van Breda.
OFM-nuus
