Local News
Niemand vas ná bomdreigement by die NWU se Potch-kampus─── 11:05 Tue, 26 Jul 2016
Potchefstroom - Die situasie is terug na normaal by die Noordwes-Universiteit se Potchefstroom-kampus nadat 'n bomdreigement gister ontvang is.
Die kampus se woordvoerder, Johan van Zyl, sê die polisie het gistermiddag 'n telefoonoproep van 'n onbekende persoon ontvang oor 'n bom wat in die Drankenstein-restaurant op die kampus geplant is.
Die gebou is onmiddellik ontruim en die polisie se plofstofeenheid was vinnig op die toneel.
Polisiebeamptes het die restaurant gevee, maar geen plofstof is gevind nie. Die restaurant was gistermiddag omstreeks 18:00 weer oop. Van Zyl sê die kampus is waaksaam en veiligheid is verskerp, maar hulle voorsien geen soortgelyke voorvalle vandag nie.
Hy sê niemand is nog in hegtenis geneem nie. Die polisieondersoek duur voort.
OFM-nuus