Elections 2016 Decision Time
Politieke partye beskuldig LUR van leuens─── CATHY DLODLO 14:24 Tue, 26 Jul 2016
Bloemfontein - Politieke partye in die Vrystaat, wat besig is met hul veldtogte voor die komende munisipale verkiesing, het die LUR vir Polisie en Paaie daarvan beskuldig dat hy leuens verkondig.
Dit volg nadat Butana Komphela in ‘n onderhoud met OFM-nuus gesê het die polisie in die provinsie het geen klagte van politieke partye ontvang nie.
Verskeie klagte teen lede van politieke partye, munisipaliteite en selfs munisipale amptenare is egter by polisiekantore gelê.
Vryheidsfront Plus LPW, Wouter Wessels, sê hy het saaknommers as bewys en weet van verskeie ander klagte.
"Dit is ‘n leuen. Dit is definitief nie so nie. Ons het voorheen ook ‘n saak gemaak, en ek weet die DA het ook ‘n saak teen Moqhaka munisipaliteit en die munisipale bestuurder gemaak. So ek weet nie waarna die LUR verwys nie en ek dink nie hy is ten volle ingelig nie."
OFM-nuus
