Local News
Twee sterf in Vanderbijlpark-botsings─── 11:13 Sun, 25 Sep 2016
Vanderbijlpark - 'n Man en 'n vrou het in twee afsonderlike botsings gisteraand in Vanderbijlpark gesterf.
Volgens ER24-woordvoerder, Chitra Bodasing Harduth, het twee motors gebots in Tshepisostraat.
'n Man in sy vroeë twintigs is op die toneel dood en nog 'n vrou is kritiek beseer.
In nog 'n botsing is 'n vrou dood nadat sy beheer oor haar voertuig verloor het in Delfos Boulevard. Die voertuig het verskeie kere gerol en nog 'n voertuig getref.
Die oorsake van albei ongelukke word ondersoek.
OFM-nuus