Local News
NK-polisie taal-instruksie gaan hof toe─── CATHY DLODLO 15:13 Fri, 30 Sep 2016
Kimberley - Solidariteit gaan die hooggeregshof nader oor die omstrede taalkwessie in die polisie in die Noord-Kaap.
Die vakbond het gevra dat die Noord-Kaapse polisiekommissaris reageer op bewerings dat polisiebeamptes opdrag gegee is om voortaan hulle werk, wat die afneem van verklarings insluit, net in Engels te doen.
Die adjunk-hoof-uitvoerende beampte van Solidariteit, Johan Kruger het ‘n skrywe aan die kommissaris gerig waarin hulle vra dat die besluit hersien word, aangesien meer as die helfte van inwoners in die Noord-Kaap Afrikaanssprekend is. Hy sê 33% van inwoners praat Setswana en net sowat 3% gebruik Engels as voertaal.
Kruger sê die polisie moes teen Woensdag reageer, maar daar was egter nog geen respons nie.
OFM-nuus
