Local News
Vrou sterf ná lugballon-ongeluk─── CHRISTAL-LIZE MULLER 12:30 Wed, 26 Oct 2016
Hartbeespoortdam - 'n Vrou wat gister onder die beseerdes was wat in 'n lugballon-ongeluk by die Hartbeespoortdam betrokke was, is gisteraand in 'n nabygeleë hospitaal dood.
'n Jong dogtertjie en nog 'n passasier is beseer nadat die vlieënier van die lugballon 'n noodlanding moes doen weens onvoorspelde sterk wind. Luidens 'n verklaring van Bill Harrop's Original Balloon Safaris, was twaalf ander passasiers, insluitend 'n vlieënier, aan boord. Dié lugballon-onderneming het sy medelye teenoor die oorledene se naasbestaandes uitgespreek. OFM-nuus |