National
Elektrisiteitstelsel onder druk - Eskom─── DANE BEISHEIM 10:34 Sat, 28 Nov 2015
Johannesburg - Eskom het laat weet die elektrisiteitstelsel is onder druk, maar stabiel.
Woordvoerder Khulu Phasiwe sê daar word geen beurtkrag vandag verwag nie.
Hy sê verder dat die stelsel onder druk is omdat verskeie van Eskom se kragopwekkingseenhede afgeskakel is vir instandhouding.
Phasiwe het verder gebruikers aangemoedig om elektrisiteit spaarsamig te gebruik deur alle geysers en swembadpompe af te skakel tot 9nm, en alle nie-noodsaaklike beligting en toestelle wat nie gebruik word nie af te skakel.
Dit, sê hy, sal die druk op die stelsel verminder asook Suid-Afrika se koolstofvrystellings.
