National
Rohde se borgtogaansoek hervat Dinsdag─── 15:29 Fri, 26 Aug 2016
Stellenbosch - Die Johannesburgse sakeman wat aangekla is van sy vrou se moord, se borgtogaansoek in die Stellenbosch-landdroshof hervat Dinsdag.
Jason Rohde bly tot dan in aanhouding, waarskynlik in die dorp se polisieselle waar hy reeds sedert Woensdagoggend is. Susan Rohde se opgehangde lyk is op 24 Julie in die paartjie se Spier-landgoedhotelkamer se badkamer gekry. Selfdood is aanvanklik vermoed, maar ná 'n lykskouing deur 'n staatspatoloog is 'n moorddossier geopen.
Rohde se regsverteenwoordiger het aan die hof gesê dat 'n forensiese verslag deur 'n private patoloog wys dat Susan nie verwurg is nie.
Daar is ook verwys na 'n verslag van 'n huweliksberader waarin gesê word dat Susan selfmoordneigings getoon het.
OFM-nuus
