Off-Beat-News
Vermeende pizzadief val vas─── 10:24 Sat, 03 Dec 2016
'n Vermeende inbreker se oë was seker selfs groter as sy maag toe hy op heterdaad betrap is waar hy in 'n ventilasiegat van 'n pizzarestaurant vasgesit het.
Associated Press berig die 53-jarige verdagte moes gister uit die skag in Rochester, New York, bevry word.
Verbygangers het iemand in die vroeë oggendure om hulp hoor roep en die man in die skag aangetref.
Hy is aangekla van inbraak en saakbeskadiging nadat meer as $2000 se skade aan die restaurant aangerig is om hom te bevry.
Die verdagte is in aanhouding omdat hy blykbaar 'n gewoontemisdadiger is.
AP
