Reuters berig ‘n toergids van die dorp Sevnica sê dat belangstelling in die dorp toegeneem het namate die verkiesingveldtog van haar man Donald Trump opgebou het.

Syfers is egter nie beskikbaar nie. 

Die dorp was onvoorbereid vir die skielike belangstelling, maar het vinnig aangepas en verwag verdere groei in toerismesyfers. 

Tydens die inswering van die Donald Trump as die 45ste Amerikaanse President het die munisipaliteit joernaliste en toeriste genooi om aan die plaaslike feesverrigtinge deel te neem. 

“First Lady” appeltert, Melania-koeke, Melania-pannekoeke en Presidensiële burgers is tans baie gewilde items by die plaaslike bakker, restourante en kafees en verkoop soos soetkoek. 

Melania se geboortedorp is geleë in suidoos Slowenië, op die oewers van die Sava-rivier, en is omring deur woudbedekte heuwels. 

Die nuwe Amerikaanse ‘Eerste Vrou’ is hier gebore in 1970 en het ‘n groot deel van haar jeug hier deurgebring toe Slowenië nog deel was van Joegoslawië.

Reuters