World News
SA vlieënier sterf in China─── 11:25 Sat, 27 Aug 2016
Beijing - ’n Suid-Afrikaanse vlieënier is dood nadat sy vliegtuig vandag by ’n lugskou in China neergestort het.
Netwerk24 berig die 33-jarige Michel Leusch van Durban was deel van ’n groep Suid-Afrikaanse kunsvliegvlieëniers wat in China aan lugskoue deelneem.
Beeldmateriaal van die ongeluk wys hoe die vliegtuig skielik buite beheer raak, na benede stort en die grond tref.
Geen toeskouers is in die voorval beseer nie.
