Aandag alle kleuters en Graad 1 - 5 kinders Wat maak jy Sondag 16 Augustus tussen 08:30 en 12:00? Ons wil jou en jou gesin nooi om 'n rit deur ons stasiebaan te vat by ons Verbywaai Duimedraai Kattemaai. Ons wil vir julle vars idees gee om julle besig te hou terwyl ons wag vir die skole om weer oop te maak. Ons gaan mekaar weer herinner waarom dit belangrik is om nogsteeds Koninkrykbouers vir Jesus te wees in hierdie tyd. So - jy wat so sit en duime draai, die tyd het genoeg verby gewaai. Kom loer in by ons Kinderderk stasies, ons volg al die COVID veiligheid regulasies. Die kuier is 'n deurry op ons stasie baan, so elkeen kan op sy tyd kom en gaan. Ons wil so graag hê jy moet 'n oog kom gooi. Jy kan sommer enige iemand saam nooi. Deel die nuus met jou hele gesin die baan sluit om 12:00 en gaan 08:30 begin. Kies 'n tyd wat dan werk vir jou! Ons wil saam jou Koninkryk bou! Onthou asb om jul eie maskers en saniteermideel saam te bring.