Agri Hour
Kraaie gaan gaap in sentrale binneland─── CHRISTAL-LIZE MULLER 06:38 Wed, 27 Nov 2019
Die kraaie gaan vandeesweek in ‘n groot deel van die sentrale binneland gaap met maksimum temperature wat heelwat gaan styg.
Michael Nethavani, 'n voorspeller van die Bloemfonteinse weerkantoor, sê die kwik gaan na verwagting van vandag af tot Vrydag in die westelike deel van die Vrystaat en Noordwes en die grootste deel van die Noord-Kaap styg. In seker gebiede gaan daar hittegolftoestande wees met temperature bo 36 grade Celsius wat verwag word. Daar is ook nie vandeesweek positiewe vooruitsigte op goeie reën in die grootste deel van die sentrale binneland nie, maar die situasie verander ietwat teen volgende week.
OFM-nuus se Christal-Lize Muller het met Nethavani gepraat…
Sien onderstaande PODCAST
Dit was Michael Nethavani, ‘n voorspeller van die Bloemfonteinse weerkantoor. Bly ingeskakel wanneer ons later in die program regstreeks met ‘n voorspeller in die Bloemfonteinse weerkantoor praat oor weerstoestande vandag in die sentrale binneland.
OFM-nuus
