Agriculture
Landbounuus-podcast: #Covid19-inentingsveldtogte sal op verskeie plase in NK voortgesit word─── ELSABÉ RICHARD 13:05 Thu, 05 Aug 2021
Die Departement van Gesondheid in die ZF Mgcawu-streek in die Noord-Kaap sê Covid-19-inentingsveldtogte sal op verskeie plase in die provinsie voortgesit word.
Bennie van Schalkwyk, woordvoerder van die departement, sê hoewel inentings nie verpligtend is nie, moedig hulle steeds mense aan om ingeënt te word teen die virus. OFM-nuus se Cathy Dlodlo berig die inentingsveldtogte gaan intussen vandag in die Dawid Kruiper munisipale regsgebied, asook die Kai Garib- en Tsantsabane munisipale regsgebiede voort.
EN
'n Bekende in die veebedryf, Chris Derksen, verskaf soos oudergewoonte die veilingspryse vir lewendehawe. Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik. Volgens Derksen het speenkalwers op die plaaslike veilings, onder 200kg, teen R41,33 per kg verkoop. Speenkalwers tussen 200kg en 250kg het teen R38,03 en speenkalwers oor 250kg het teen R37,12 per kg verkoop.
OFM-nuus