Die voorsitter van die direksie, dr. Jaco de Villiers, wat ook ‘n stigterslid is, sê dit is ‘n mylpaal wat bereik is in Suid-Afrika se landboubedryf. 

Dié koöperasie se stigterslede is van oor die land heen en is verteenwoordigend van onder meer die landboubedryf. 

De Villiers sê daar word met die primêre koöperasie gepoog om ‘n vryemarkstelsel (of ‘n kapitalistiese ekonomiese stelsel) en ‘n sosialistiese stelsel in, wat hy noem ‘n huwelik, te verbind. 

Dit is geskoei op die ontwikkeling van arm mense. 

Hy sê die koöperasie se Grondwet is gefinaliseer. Lede se deelname is hul verbintenis tot beleggings met ‘n maandelikse bydrae van ‘n minimum van R150 per lid. 

De Villiers sê die koöperasie se rol in die waardeketting is om sy lede as verbruikers nader aan produsente te bring.

OFM-nuus se Christal-Lize Muller het met De Villiers gepraat…

OFM-nuus