Dries Delport, 'n Brangus-teler wat tussen Boshof in die Vrystaat en Kimberley boer, sê dit is nou tyd dat mense van dié opinie verander.  Delport sterk nou op sy plaas aan nadat hy Sondag uit die Mediclinic Gariep ontslaan is nadat hy positief vir die Covid-19-virus getoets het. Delport en sy seun Johan het vroeg in Maart 'n geestelike byeenkoms by 'n kerk in Bloemfontein bygewoon. Daar was tydens dié byeenkoms buitelanders  wat later positief vir die Covid-19-virus getoets het.  OFM-nuus se Christal-Lize Muller het met Delport gepraat ...

Sien onderstaande PODCAST

Hy sê dit is 'n tipe sielkundige oorlog wat 'n mens weens dié virus ondervind. Dit gaan oor die onsekerheid of jy die koronavirus opgedoen het en of jy, indien jy dit wel het, aan ander mense oorgedra het. Delport sê dit was een van sy grootste bekommernisse gewees in die tydperk wat hy erge griepsimptome getoon het. In daardie stadium het hy nie eens geweet hy het dié virus onderlede nie. Hy wou nie ander mense se lewens in gevaar stel nie. 

Daarom vra hy Suid-Afrikaners en medeboere om by die departement van gesondheid se voorkomingsmaatreëls te hou. Bly by die huis en vermy kontak met ander mense sover moontlik. "Hierdie is nie 'n speletjie nie, dit gaan oor lewe en dood," sê hy.

Dit was Dries Delport 'n Brangus-teler slegs op Before Dawn.

OFM-nuus