Agri Hour
Nasionale wolveiling het nie vandeesweek plaasgevind─── CHRISTAL-LIZE MULLER 05:00 Fri, 05 Jun 2020
Daar is vanoggend nie 'n wolmarkverslag oor die weeklikse nasionale wolveiling in Port Elizabeth in die Oos-Kaap nie.
Dié verslag word weekliks deur Cape Wools SA aan OFM-nuus verskaf. Daar het egter vandeesweek nie 'n veiling plaasgevind nie. OFM-nuus sal meer hieroor uitbrei in sy landbounuusbulletins vandag om 11:00 en om 13:30. In verlede week se verslag oor die 27ste veiling van die 2019/20-wolseisoen, was daar 'n aanbod van 7 709 bale. Cape Wools SA het toe aangedui altesaam 77,7% daarvan is verkoop. Die mark het met 3,1%, of 466 punte verswak teen 'n waarde van R145,03 per kg.
Om weer na hierdie nuusinsetsels te luister gaan na http://www.ofm.co.za, kliek op News, Agriculture en The Agri-Hour. Kliek op News vir jou jongste nuus in die landboubedryf wat weeksdae in OFM se landbounuusbulletins om 11:00 en 13:30 aan jou gebring word.
Bel Christal-Lize Muller met jou landbounuus by 082-851-8254 of stuur vir haar 'n e-pos na news@ofm.co.za.
OFM-nuus