Agri Hour
Veilingspryse vir lewende hawe steeds op goeie vlakke─── CHRISTAL-LIZE MULLER 05:00 Thu, 09 Jul 2020
'n Bekende in die veebedryf, Chris Derksen, verskaf soos oudergewoonte die veilingspryse vir lewende hawe.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik. Hier is Derksen ...
Sien onderstaande PODCAST
Derksen sê die prys wat behaal is vir diere op veilings styg steeds goed. Daarmee saam is die prys van lammers hoog, wat goeie nuus is vir produsente. Die grootste uitdaging steeds in die landboubedryf in die stadium is 'n toename in misdrywe op plase, wat aanvalle op landbougemeenskappe insluit, asook 'n toename in veediefstal wat produsente kniehalter.
Volgens Derksen het speenkalwers onder 200kg op die weeklikse veilings Dinsdag in Kroonstad in die Vrystaat teen R33,66 per kg verkoop. Speenkalwers tussen 200kg en 250kg het teen R32,50 en speenkalwers oor 250kg het teen R29,88 per kg verkoop.
Ander veilingspryse vir beeste:
A-klas beeste - Geen
B-klas beeste - R20,05 per kg
C-klas vet koeie - R19,21 per kg
Maer koeie - R15,00 na R17,25 per kg
Slagbulle - R21,75
Skape
Stoorlammers - R48,51 per kg
Slaglammers - R38,78
Stoorskape - R28,06 per kg
Vetskape - R28,31 per kg
Bokke
Lammers - R45,00 per kg
Ooie - R30,32 per kg
Dit was Chris Derksen, 'n bekende in die veebedryf, met die jongste nuus in die vleisbedryf. Vir meer inligting besoek www.vleisprys.co.za.
OFM-nuus