OFM Nights
Klanktoets: CheraLee gesels oor haar jongste enkelsnit, 'As Môre Kom'─── 17:44 Tue, 13 Apr 2021
“Die lewe is kort en die dag van môre is nié verseker nié.” Dít is die boodskap wat plaaslike kunstenaar, CheraLee in haar splinternuwe enkelsnit, 'As Môre Kom', wil oordra.
Dié liedjie en sy musiekvideo is onlangs vrygestel en OFM Nights se Renaldo Schwarp het met CheraLee oor haar jongste enkelsnit igesels.
'As Môre Kom' herinner die luisteraar daaraan dat ’n mens elke dag voluit moet lewe en dit is perfek vir die dansvloer - kyk die musiekvideo hieronder:
“Ek en my man het vroeg in ons verhouding ’n uitval gehad wat ons baie omgekrap het. Ek het my pa en stiefma genader vir raad oor hoe om dié situasie te red. Beide van hulle het hul vorige lewensmaats aan die dood afgestaan en die boodskap aan ons was om mekaar met respek te hanteer en elke dag ons liefde aan mekaar te wys,” vertel CheraLee.
“Hulle het baie ernstig met ons gesels en gevra dat ons moet seker maak dat ons nie oor klein goed baklei nie, maar mekaar eerder elke dag te koester, want die lewe is baie kort,” het sy gesê.
Luister na die gesprek hier: