Drie vragmotors brand tydens Lichtenburg-protesaksie
DANE BEISHEIM
15:33 (GMT+2) Fri, 21 Apr 2017
Drie vragmotors brand tydens Lichtenburg-protesaksie  | News Article
Lichtenburg - Drie vragmotors is vanoggend buite Lichtenburg in Noordwes aan die brand gesteek en minstens 8 karre met klippe beskadig deur sowat 300 betogende inwoners van die nabygeleë Blydeville informele nedersetting.


Dit is volgens polisiewoordvoerder Sabata Mokgwabone. Hy voeg by dat die inwoners die strate ingevaar het weens ongelukkigheid oor swak dienslewering in die area. 

Volgens Mokgwabone is daar geen besersings aangemeld nie, en vyf verdagtes tussen die ouderdom van 26 en 43 is reeds in hegtenis geneem. Motoriste word gemaan om die area te vermy en eerder van alternatiewe roetes gebruik te maak. 

Motoriste vanaf Ventersdorp moet die N14 na Biesiesvlei neem; vandaar die R52 na Lichtenburg. Motoriste vanaf Johannesburg moet die Koster-pad neem. Polisielede is steeds op die toneel en monitor die situasie.

OFM-nuus