Local News
Polisie soek verdagte ná Tweespruit-aanval─── MARK STEENBOK 08:56 Sun, 30 Apr 2017
Tweespruit - 'n Verdagte is nog soek nadat ‘n 62-jarige boer verskeie kere met ‘n mes op sy plaas in die Tweespruit-omgewing in die Vrystaat gesteek is.
Polisiewoorvoerder Martin Xuma sê Dick Osbourne is gisteroggend omstreeks 06:30 deur ‘n 25-jarige man aangeval.
Hy sê Osbourne het sy honde hoor blaf waarna hy ondersoek gaan instel het en die man in sy kantoor losstaande van die huis aangetref het.
Xuma sê die man het toe vermoedelik ‘n mes uitgepluk en Osbourne twee keer in die rug en een keer in sy bors gesteek. Die aanvaller het later met Osbourne se Land Rover gevlug.
“Die verdagte het later met die Land Rover in ‘n boom vasgery waarna hy te voet gevlug het. Die polisie ondersoek ‘n saak van aanranding met die doel om ernstig te beseer, asook motordiefstal. Enigiemand met inligting kan die Tweespruit-polisiestasie by 051 963 9301 kontak. Osbourne is tans in 'n stabiele toestand in die hospitaal,” sê Xuma.
Polisiewoorvoerder Martin Xuma: