Nog ‘n onderwyser van die skool wat in hegtenis geneem is, is gister op borgtog van R500 vrygelaat en sal weer volgende maand in die hof verskyn. Polisiewoordvoerder, Mohale Ramatseba, sê die onderwyser moet drie keer per week by die Bothithong-polisiestasie aanmeld.

Ramatseba sê die twee onderwysers is verlede Vrydag in hegtenis geneem ná aantygings dat die onderwysers hulself aan leerders by die betrokke skool opgedwing het, die rondte gedoen het. ‘n Derde onderwyser is ook ná hierdie bewerings geskors.

Die onderwysers se name kan nie bekend gemaak word voordat hulle nie gepleit het nie.

Die Noord-Kaapse Onderwysdepartement se Geoffrey van der Merwe sê die departement se ondersoek gaan nog voort. Hy sê die drie opvoeders is voorlopig geskors hangende die ondersoek teen hulle.

Hy sê die bewerings dat die betrokke opvoeders tot dertig leerlinge by die skool swanger gemaak het, is ongegrond omdat daar nie genoeg bewyse was om dit te staaf nie. Van der Merwe sê tans is ses meisies by die skool swanger.

Die LUR vir Onderwys in die provinsie, Martha Barlett, het Maandag die skool besoek.

OFM-nuus