Volgens woordvoerder Adele Myburgh is vier mans, wat glo met verskeie van hierdie rooftogte verbind word, gisteraand by Schweizer-Reneke in hegtenis geneem. 

Sy sê die mans het gisteraand omstreeks 18:30 in ‘n plaaslike supermark ingestorm en ‘n vuurwapen op die eienaar gerig. Hulle het met ‘n onbekende bedrag geld en ‘n selfoon gevlug. 

Myburgh sê die eienaar van die winkel het later die polisie in kennis gestel en ‘n 41-jarige verdagte is vasgetrek.

“Volgens ons inligting was die mans op pad na nog ‘n winkel voordat die polisie hulle vasgetrek het. Die polisie het onder meer die gesteelde selfoon, ‘n vuurwapen en motor wat tydens die rooftog gebruik was, gekonfiskeer. Die polisie ondersoek ‘n klag van besigheidsroof en nog arrestasies kan volg,” sê Myburgh.

Myburgh sê nog ses vermeende besigheidsrowers is gister in Klerksdorp vasgetrek.

Statistieke wat deur die polisie uitgereik is, toon dat daar 1 384 gevalle van rooftogte by nie-residensiële persele in die 2015/16 finansiële jaar in Noordwes was. ‘n Studie toon ook dat 77.5% van die slagoffers van hierdie misdade in die provinsie buitelanders is. 

OFM-nuus