Local News
Centlec sê oor probleme met koopkrag─── MARK STEENBOK 08:35 Mon, 25 Sep 2017
Bloemfontein - Die Mangaung-metro se kragvoorsiener, Centlec, werk onverpoos om ‘n probleem met hul koopkragstelsel op te los.
Dit kom nadat krag sedert gister nie vir die publiek by kooppunte beskikbaar was nie weens probleme met die stelsel.
Die woordvoerder vir Centlec, Lele Mamathu, sê die probleem is deur ‘n kragonderbreking veroorsaak.
Hy noem dat groot dele van Bloemfontein geraak word.
“Baie van ons areas word geraak. Die mense kan ook nie krag aanlyn koop as gevolg van die probleem nie. Tegnici het regdeur die aand gewerk om oplossings vir die probleem te vind. Ons hoop dat die stelsels weer teen vanaand sal werk,” sê Mamathu.
OFM-nuus
Woordvoerder vir Centlec, Lele Mamathu: