Local News
Studente trotseer lang rye by Motheo-kollege in Bfn─── MARK STEENBOK 17:04 Mon, 15 Jan 2018
Senior studente het vandag lang rye by die Motheo Kollege in Bloemfontein getrotseer, terwyl die registasieproses terug na normaal gekeer het.
‘n Woordvoerder by die kollege, Thabiso Mofokeng, het bevestig dat daar vanoggend geen ontwrigting was nie.
Die registrasieproses is verlede Donderdag opgeskort nadat ontevrede studente kapsie gemaak het omdat hulle ‘n R1000 vir registrasies moes betaal.
Mofokeng sê die registrasieproses vir eerstejaar-studente is reeds verlede week afgehandel. Hy het studente aangeraai om gebruik te maak van die aanlyn-registrasiestelsel om lang rye te vermy.
“Ons kan bevestig dat daar geen ontwrigting vandag was nie en dat alles vlot verloop. Studente is besig om te registreer en is gretig om te studeer. Ons fokus egter nou op die senior studente,” sê Mofokeng.
Die woordvoerder by die Sentrale Universiteit van Tegnologie (SUT), Dan Maritz, sê dat registrasie by die Fakulteit van Gesondheid- en Omgewingsdienste vandag sonder enige ontwrigting afgeskop het.
