Brandstofverhoging gaan verbruikers hard tref
JOSCA HUMAN
12:32 Thu, 22 Feb 2018
Brandstofverhoging gaan verbruikers hard tref | News Article
Die brandstofheffing, sowel as brandstofpryse, gaan verbruikers op 4 April hard tref.


Dit is volgens politieke ontleder, Theo Venter, wat sê al die voordele wat Suid-Afrikaners sou geniet vanweë die versterking van die rand teenoor die dollar, word nou weens die brandstofheffing uitgekanselleer. ‘n Verhoging van nagenoeg 52 sent per liter vir brandstof kan verwag word. 

Minister van finansies, Malusi Gigaba, het aangekondig dat hierdie verhoging 'n styging van 22c/liter in die algemene brandstofheffing en 'n styging van 30c/liter in die Padongelukfonds sal insluit.

Dit sal van toepassing wees op petrol én diesel.

Dié toename - wat hoofsaaklik deur ekonome verwag word - sal waarskynlik R1,22 miljard se bykomende inkomste bydra tot die R36 miljard in die bykomende belastinginkomste wat Gigaba voorgestel het.

Venter sê dit vernietig die voordele wat ons met 'n baie goeie rand sou gehad het.


OFM-nuus


Cookies help us deliver our services. By using our site, you agree to our use of cookies. Tell me more