Local News
Bejaarde boer by Lichtenburg aangeval en beroof─── MARK STEENBOK 18:17 Mon, 26 Feb 2018
Die polisie in Noordwes is steeds op soek na die drie verdagtes wat na bewering ‘n bejaarde boer op ‘n plaas buite Litchtenburg oor die naweek aangeval en beroof het.
Polisiewoordvoerder, Amanda Funani sê die drie verdagtes het kort ná middagete by die man se huis toegeslaan, en glo kontant geëis.
Sy sê die bejaarde boer is in die proses met ‘n groot stok aangerand.
Volgens Funani het die verdagtes later met drie vuurwapens, ‘n onbekende bedrag geld en die man se voertuig, wat op dieselfde dag teruggevind is, op die vlug geslaan.
Die polisie ondersoek klagte van huisroof en aanranding.
OFM-nuus