Local News
VS meisie verdwyn spoorloos─── MARK STEENBOK 10:49 Thu, 09 Aug 2018
Die polisie in die Vrystaat is steeds opsoek na ‘n 15-jarige meisie wat Woensdag spoorloos by ‘n skool in Sasolburg verdwyn het.
Polisiewoordvoerder, Josephine Rani, het aan OFM-nuus gesê dat Chande Eastes, die laaste keer omstreeks 12:00 deur haar vriende by die skool gewaar is.
Sy was glo deur ‘n wit Honda Civic opgetel.
Volgens inligting het Eastest 'n grys broek, ‘n wit t-hemp en 'n grys trui ten tyde van haar verdwyning gedra.
Die polisie kon egter nog nie meer inligting in verband met haar verdwyning bekend maak nie.
Die polisie vrae nou dat enigeen met inligting wat kan lei tot haar opsporing hulle naaste polisie kantoor skakel.
OFM-nuus