Central SA
NK-veiligheidswag in hof weens diefstal─── 08:14 Thu, 25 Feb 2021
‘n Veiligheidswag in Galeshewe in Kimberley in die Noord-Kaap sal na verwagting vandag in die plaaslike landdroshof verskyn nadat staatseiendom ter waarde van R30 000 in sy besit gevind is.
Die Noord-Kaapse polisiewoordvoerder, Olebogeng Tawana, sê die 40-jarige verdagte is Dinsdag by sy huis in Galeshewe in hegtenis geneem nadat die polisie op ‘n wenk gereageer het.
Tawana sê skootrekenaars en ander toerusting is in die man se besit gevind.
OFM-nuus/Roderick Titus