Central SA
NK Provinsiale Rede uitgestel─── 14:47 Fri, 26 Feb 2021
Die Noord-Kaapse provinsiale rede sal eers 2 Maart vanjaar plaasvind.
Die kantoor van die Premier, Zamani Saul, het die uitstel bevestig. Die Wetgewer se Sekretaris, Patrick Moopelwa, sê die begroting vir vanjaar se provinsiale rede is met meer as ‘n halfmiljoen rand besnoei, van die R1,2 miljoen wat verlede jaar bestee is, is na R500 000 verminder.
70% van die begroting gaan volgens Moopelwa aan die nodige IT-tegnologie spandeer word sodat die verrigttinge op ‘n virtuele platform kan plaasvind.
Hy sê slegs 50 gaste sal vanjaar se geleentheid bywoon, en dat die Speaker, Newrene Klaaste, die geleentheid sal orkestreer ingevolge Covid-19 regulasies.
30 lede van die provinsiale Wetgewer, wat die Regter-president Pule Tlaletsi asook die media insluit, sal onder die gaste wees.
OFM-nuus/Roderick Titus