Central SA
Noord-Kaapse departement wag op entstowwe─── 09:37 Sat, 27 Feb 2021
Die Departement van Gesondheid in die Noord-Kaap sê hulle wag op die nasionale departement om hulle volgende besending Covid-19 entstowwe aan te stuur.
Dit, nadat die provinsie slegs 3 902 dosisse tydens die eerste inentingsveldtog ontvang het. Die departement se Lebogang Mahajah sê tot dusver is 1 815 gesondheidswerkers ingeënt. Dit sluit openbare en private gesondheidswerkers in.
Hy sê verder die tweede veldtog sal in fases plaasvind, met die tweede fase wat sal fokus op persone met komorbiditeite. Dit sluit bejaardes, polisiebeamptes en onderwysers in.
Volgens Mahajah is die departement se doel om 67% van die provinsie se bevolking in te ent, en dat niemand gedwing sal word om die inenting te neem nie.
OFM-nuus/Roderick Titus
