Central SA
#CoronavirusNW: Fokus op bejaardes─── 08:20 Sun, 09 May 2021
Die Noordwes provinsie sal sy inentingsplan implementeer met die fokus op bejaardes van sestig jaar en ouer.
Volgens Noordwes provinsiale regeringswoordvoerder, Brian Setswambung, is meer as 21 600 gesondheidswerkers in die provinsie reeds danksy die Sisonke-protokol ingeënt.
'n Beplande 370 000 bejaardes sal ingeënt word.
Tydens 'n inligtingsessie wat deur die Noordwes Provinsiale Bevelsraad aangebied is, het Noordwes se premier Job Mokgoro gesê dat 'n strategie ontwikkel is om brandpunte van Covid te identifiseer, om die voorkoms van Die virus te verminder deur voorkomingstrategieë, uitreikprogramme, sifting en toetsing, en die bestuur van positiewe gevalle en mense wat simptomaties en siek is.
Setswambung voeg verder by dat die provinsie deur hierdie maatreëls meer voorbereid sal wees vir 'n derde golf van COVID-19.
OFM-nuus/Blaine Jones