Central SA
Verdagte verskyn in hof ná NK-polisiestasie rooftog─── 11:45 Thu, 05 Aug 2021
'n 41-jarige verdagte verskyn vandag in die Kuruman-landdroshof in die Noord-Kaap in verband met ‘n gewapende roof by die Tsineng-polisiestasie die naweek.
Valke-woordvoerder, Nomthandazo Mnisi, sê die verdagte is betrap met vuurwapens en ammunisie wat Saterdagaand tydens die rooftog gesteel is.
Die polisie het vroeër bevestig dat minstens 23 vuurwapens en meer as 100 rondtes ammunisie gesteel is.
‘n Beloning van 50-duisend-rand word aangebied vir enige inligting wat tot nog inhegtenisnames kan lei.
Twee verdagtes is steeds soek.
OFM-nuus/Roderick Titus