World News
Derduisende ontruim weens Bali-vulkaan─── 10:32 Mon, 25 Sep 2017
Jakarta - Meer as 42-duisend mense is ontruim in Bali, waar 'n aktiewe vulkaan dreig om uit te bars.
Die BBC berig daar was reeds 'n aantal trillings in die gebied rondom Berg Agung en die regering het 'n geen-toegang-sone in 'n 12 kilometer radius om die berg ingestel.
'n Tweehonderd meter hoë wolkkolom is ook te sien bokant die vulkaan en owerhede glo dat dit enige oomblik kan uitbars.
Derduisende inwoners word tans in tentdorpe gehuisves.
Die eiland se toeristegebied en vlugte is egter nog nie geraak nie.
BBC
