Local News
Vloede in NK gevrees─── 17:55 Wed, 12 Mar 2014
Dirk Kok
Douglas - Met die hoë watervlakke van die Vaal-, Bloemhof-, Gariep- en Van der Kloofdam word vloede in die Noord-Kaap gevrees. Agri-Noord-Kaap se Johan van Rensburg sê tensy die waterstelsels noukeurig bestuur word, kan dit tot oorstromings lei.
Behoorlike invloeiprojeksies en uitvloeiberekeninge is nodig om oorstromings te keer. Agri-Noord-Kaap het vandag op 'n provinsiale rampbestuurvergadering gevra dat die uitvloei uit die Bloemhof- en Van der Kloofdam drasties verhoog moet word om oorstromings te keer.
Die laer Vaal-gebied by Douglas kan slegs 800 kumek hanteer voordat die rivier oor sy walle stoot. Van Rensburg sê in hierdie stadium is dit nog moontlik om waterbeheer aan te pas sodat daar nie oorstromings is nie.
Hy sê die owerheid het nog nie laat blyk of hy aan hierdie versoeke gaan gehoor gee nie.