Local News
Alle oë môre op hooggeregshof in Kby─── LANI FOUCHÉ 16:44 Tue, 26 Nov 2013
Lani Fouché
Bloemfontein - Alle oë sal môre weer op die Noord-Kaapse hooggeregshof wees waar betoë in die opspraakwekkende Griekwastad driedubbele moordverhoor aangehoor word.
Die verdediging het amptelik verlede week sy saak gesluit nadat die enigste getuie, die 17-jarige beskuldigde, vir twee dae onder kruisverhoor geneem is.
Die eerste twee weke is 'n lang lys staatsgetuies ondervra, insluitend forensiese deskundiges. Die staatsadvokaat Hannes Cloete het gesê hy gaan voor regter Frans Kgomo betoog dat die seun eers vir Marthella Steenkamp verkrag het, en daarna vir haar, haar pa Deon en ma Christel vermoor het om dié misdryf te verdoesel.
Hy het ook vir die polisie daaroor gejok. Die seun hou vol dat dit nie hy was nie.
'n Niggie van Deon, Isabel Fourie, het aan OFM-nuus gesê sy en haar man ondersteun Deon se ma, Bettie Steenkamp, in die hof, veral na haar man, Don Steenkamp Senior, se afsterwe.
Volg die verhoor op Twitter - @OFM9497
Volg die verhoor op Twitter - @OFM9497
Isabel Fourie praat oor die Griekwastadverhoor: