Suid-Afrika se Arnu Fourie het gisteraand die brons-medalje ingepalm in die 100m T44-finaal by die Paralimpiese Spele in Londen.  Fourie het ook ‘n nuwe nasionale rekord van 11 punt nul agt sekondes aangeteken.  Oscar Pistorius het in die vierde plek klaargemaak.  Die Brit, Johnnie Peacock het die goue medalje gewen.  Natalie du Toit het vroeër haar derde goue medalje in die swembad verower.  Sy het die 200m individuele wisselslag SM9 vir vroue met byna twee sekondes gewen;  Hilton Langenhoven het die silwer medalje ingepalm in die 40m T12 vir mans in ‘n persoonlike beste tyd van 49 punt nul vier sekondes.  En Ilse Hayes het ook silwer gewen in die 100m T13 vir vroue in ‘n tyd van 12 punt vier een sekondes.  Suid-Afrika, wat nou met 21 medaljes spog, is steeds in die 20ste plek op die lys van medaljewenners.

Sport24