Local News
Martin vra uit die tronk om vergifnis vir Harrismith-moorde─── 14:25 Fri, 16 Nov 2012
Lani Fouché
Harrismith - Martin Brits, wat verdink word van die gru-moord op sy pa en aanstaande swaer in Harrismith, het 'n brief uit die tronk geskryf waarin hy om vergifnis vir sy dade vra.
Dominee Willem Brits, wat verlede week glo deur sy seun Martin en 'n medebeskuldigde in sy pastoriehuis vermoor is, se roudiens is vandag uit die NG Gemeente Kerkenberg gehou.
Martin, wat tans in aanhouding is, het in 'n brief geskryf dat hy 'n skuldbekentenis gemaak het, en het sy broers en suster, die gemeenskap en vir God om vergifnis gevra. 'n Uittreksel van dié brief is vandag deur 'n familiewoordvoerder en mede-leraar, AJ Scherrer, tydens die roudiens voorgelees.
'n Goeie vriend van wyle dominee Willem, Paul van der Merwe, sê die gemeenskap sluk swaar hieraan.
Scherrer het vroeër gesê Martin se broers, Willie en Dawid, en sy suster, Thea, is kwaad vir hom, maar is bereid om hom te ondersteun en vergewe.
Dominee Willem se vrou, Dorothea, is intussen steeds in 'n kritieke toestand in Mediclinic Bloemfontein.
Harrismith - Martin Brits, wat verdink word van die gru-moord op sy pa en aanstaande swaer in Harrismith, het 'n brief uit die tronk geskryf waarin hy om vergifnis vir sy dade vra.
Dominee Willem Brits, wat verlede week glo deur sy seun Martin en 'n medebeskuldigde in sy pastoriehuis vermoor is, se roudiens is vandag uit die NG Gemeente Kerkenberg gehou.
Martin, wat tans in aanhouding is, het in 'n brief geskryf dat hy 'n skuldbekentenis gemaak het, en het sy broers en suster, die gemeenskap en vir God om vergifnis gevra. 'n Uittreksel van dié brief is vandag deur 'n familiewoordvoerder en mede-leraar, AJ Scherrer, tydens die roudiens voorgelees.
'n Goeie vriend van wyle dominee Willem, Paul van der Merwe, sê die gemeenskap sluk swaar hieraan.
Scherrer het vroeër gesê Martin se broers, Willie en Dawid, en sy suster, Thea, is kwaad vir hom, maar is bereid om hom te ondersteun en vergewe.
Dominee Willem se vrou, Dorothea, is intussen steeds in 'n kritieke toestand in Mediclinic Bloemfontein.
Paul van der Merwe: