Kaapstad - Die begrotings van die Departement van Landbou, Bosbou en Visserye en van Landelike Ontwikkeling en Grondhervorming het nie beduidend verhoog nie. Tog meer geld word oor die algemeen in ekonomiese dienste gestort wat fokus op landbouproduksie en verspreiding, nywerheidsuitbreiding en die stimulering van sosiaal-ekonomiese ontwikkeling. Die Landbou departement kry bykans R6,2 miljard en die Departement van Landelike Ontwikkeling en Grondhervorming net meer as R9,4 miljard. Daarvan kry restitusie en grondhervorming elkeen bykans R3,4 miljard en landelike ontwikkeling R1,2 miljard. Die Regering sal ook voortgaan in sy ondersteuning van kleinboere. Sowat 435 000 bestaansboere en 54 en-'n-half-duisend kleinboere sal deur middel van dié begroting ondersteun word.

Landbou.com