Africa News
Tweede dag van rou vir ontslape Zambië president─── 07:44 Thu, 30 Oct 2014
Lusaka - Zambiërs rou vir 'n tweede dag na die dood van hulle president Michael Sata, wat Dinsdagaand in 'n hospitaal in Londen oorlede is.
Sy adjunkpresident, Guy Scott, sal intussen in die leiersposisie waarneem. Indien Scott na 'n verkiesing oor 90 dae as president verkies word, sal dit Afrika se eerste wit president sedert Suid-Afrika se apartheidsera wees.
Wêreldleiers, insluitende die Amerikaanse president Barack Obama, sekretaris-generaal van die VN, Ban Ki-moon en president Jacob Zuma, het gister hulle meegevoel met die president se gesin en die mense van Zambië betuig.
Amptenare in Sata se kabinet het reeds vir 'n geruime tyd ontken dat Sata siek was.
Sapa