Babbelgum vir die Siel
Lekkerste patats─── 08:25 Sat, 24 Mar 2012
500 g patats, geskil en in blokkies gesny
1 x 400 g-rol gekoopte skilferkorsdeeg, ontdooi
1 koppie bruinsuiker
1 koppie room
1 teelepel karamelgeursel (opsioneel)
Voorverhit die oond tot 180 ºC en smeer ’n reghoekige oondbak. Kook die patats in ’n bietjie soutwater tot net sag en dreineer. Druk die patats fyn. Rol die deeg op ’n meelbestande oppervlak uit en plaas in die oondbak. Skep die patats op die een helfte van die deeg en vou met die ander helfte toe. Knyp die randjies met jou vingerpunte saam om die deeg te seël. Meng die suiker, room en geursel en gooi oor die deeg. Bak 30 minute tot goudbruin en gaar.
