Local News
Phakalane lugdiens lewensvatbaar─── OWEN KOCK 08:13 Sat, 26 Jul 2014
Owen Kock Kimberley - Die Phakalane lugdiens in Kimberley, wat ‘n interprovisiale diens aan inwoners van die provinsie bied, blyk lewensvatbaar te wees en het reeds 66 vlugte met 136 passasiers onderneem.
Dit is Vrydag bekendgemaak ná die eerste evaluering gedoen is sedert die lugdiens op 1 Februarie vanjaar met vlugte tussen Kimberley en Upington en Springbok begin het.
Die aantal vlugte en passasiers is vir die periode tot 30 Junie.
Volgens Steven Jonkers van die Noord-Kaapse department van vervoer skakel dit in by hul doelwit om toeganklike, koste effektiewe en veilige vervoer te bied.
Jonkers sê daar is planne om uit te brei en hulle begin eersdaags met goedkoper vlugte om die diens nog meer toeganklik te maak.
