Local News
Noord-Kaap is reg vir natuurrampe─── 17:43 Wed, 17 Dec 2014
Kimberley - Die Nood-Kaapse plaaslike regering sê 'n tekort aan brandweerwaens en opgeleide personeel sal die provinsie nie keer om natuurrampe sou dit voorkom te hanteer nie.
Provinsiale woordvoerder, Xhanti Tseki, sê vier regerings van provinsies wat aan die kus geleë is, het ooreengekom om die Noord-Kaap by te staan sou rampe soos wegholbrande voorkom.
Daar is slegs 15 brandweerwaens en 57 brandweermanne in die Noord-Kaap. Ses van die waens is in Kimberley. Tseki sê hulle maak ook gebruik van talle vrywilligers, wat opgelei is om met brande en ander rampe te help.
Daar is ook planne om meer waens in die provinsie te kry. Altesaam 15 jongmense word ook opgelei as brandweermanne. Meer mense sal na verwagting opgelei word.
Duane Petrus/OFM News
Xhanti Tseki:
